66% ರೇಟಿಂಗ್ ನೊಂದಿಗೆ ವಿಶ್ವದ 13 ಬಲಿಷ್ಠ ರಾಷ್ಟ್ರದ ನಾಯಕರ ಪೈಕಿ ಅಗ್ರಸ್ಥಾನದಲ್ಲಿ ಪ್ರಧಾನಿ ಮೋದಿ | ಜನತಾ ನ್ಯೂಸ್
1488
ವಾಶಿಂಗ್ಟನ್ : ವಿಶ್ವದ ನಾಯಕರುಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಅಪ್ರೂವಲ್(ಸಮ್ಮತಿ) ರೇಟಿಂಗ್ ಶೇಕಡಾ 66 ರಷ್ಟಿದೆ ಮತ್ತು ಇತರ ಇತರೆ ಎಲ್ಲಾ ಜಾಗತಿಕ ಮುಖ್ಯಸ್ಥರಿಗಿಂತ ಮುಂದಿದ್ದಾರೆ. ಅಮೆರಿಕದ ದತ್ತಾಂಶ ಗುಪ್ತಚರ ಸಂಸ್ಥೆ ನಡೆಸಿದ ಸಮೀಕ್ಷೆಯ ಪ್ರಕಾರ, ಯುಎಸ್, ಯುಕೆ, ರಷ್ಯಾ, ಆಸ್ಟ್ರೇಲಿಯಾ, ಕೆನಡಾ, ಬ್ರೆಜಿಲ್, ಫ್ರಾನ್ಸ್ ಮತ್ತು ಜರ್ಮನಿ ಸೇರಿದಂತೆ 13 ದೇಶಗಳ ಇತರ ವಿಶ್ವ ನಾಯಕರ ಪೈಕಿ ಭಾರತದ ಪ್ರಧಾನಿ ಮೋದಿ ಅವರು ಅಗ್ರಸ್ಥಾನದಲ್ಲಿದ್ದಾರೆ, ಎಂದು ಮಾರ್ನಿಂಗ್ ಕನ್ಸಲ್ಟ್ ತೋರಿಸುತ್ತದೆ.
ಮಾರ್ನಿಂಗ್ ಕನ್ಸಲ್ಟ್ ಪ್ರಕಾರ, ಎರಡನೇ ಸ್ಥಾನವನ್ನು ಇಟಾಲಿಯನ್ ಪ್ರಧಾನಿ ಮಾರಿಯೋ ಡ್ರಾಗಿ(65%), ಮೆಕ್ಸಿಕನ್ ಅಧ್ಯಕ್ಷ ಆಂಡ್ರೆಸ್ ಮ್ಯಾನುಯೆಲ್ ಲೋಪೆಜ್ ಒಬ್ರಡಾರ್(63%), ಆಸ್ಟ್ರೇಲಿಯಾದ ಪ್ರಧಾನಿ ಸ್ಕಾಟ್ ಮಾರಿಸನ್(54%), ಜರ್ಮನ್ ಚಾನ್ಸೆಲರ್ ಏಂಜೆಲಾ ಮರ್ಕೆಲ್( 53%), ಯುಎಸ್ ಅಧ್ಯಕ್ಷ ಜೋ ಬಿಡನ್(53%), ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ(48%), ಯುಕೆ ಪ್ರಧಾನಿ ಬೋರಿಸ್ ಜಾನ್ಸನ್(44%), ದಕ್ಷಿಣ ಕೊರಿಯಾದ ಅಧ್ಯಕ್ಷ ಮೂನ್ ಜೇ-ಇನ್(37%), ಸ್ಪ್ಯಾನಿಷ್ ಸ್ಪೇನ್ ಪೆಡ್ರೊ ಸ್ಯಾಂಚೆ(36%), ಬ್ರೆಜಿಲ್ ಅಧ್ಯಕ್ಷ ಜೈರ್ ಬೋಲ್ಸನಾರೊ(35%), ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರೋನ್(35%) ಮತ್ತು ಜಪಾನಿನ ಪ್ರಧಾನಿ ಯೋಶಿಹೈಡ್ ಸುಗಾ(29%) ಪಡೆದುಕೊಂಡಿದ್ದಾರೆ.
ಮಾರ್ನಿಂಗ್ ಕನ್ಸಲ್ಟ್ ಗ್ಲೋಬಲ್ ಲೀಡರ್ ಅನುಮೋದನೆ ರೇಟಿಂಗ್ ಟ್ರ್ಯಾಕರ್ ಅನ್ನು ಗುರುವಾರ ನವೀಕರಿಸಲಾಗಿದೆ ಮತ್ತು ಭಾರತದಲ್ಲಿ 2,126 ವಯಸ್ಕರ ಮಾದರಿ ಗಾತ್ರವನ್ನು ಹೊಂದಿದೆ, ಪ್ರಧಾನಿ ಮೋದಿಯವರಿಗೆ ಶೇಕಡಾ 66ರಷ್ಟು ಸಮ್ಮತಿ ತೋರಿಸಿದೆ ಮತ್ತು ಸಮೀಕ್ಷೆ ನಡೆಸಿದವರಲ್ಲಿ 28 ಪ್ರತಿಶತದಷ್ಟು ಜನರು ಅವರನ್ನು ತಿರಸ್ಕರಿಸಿದ್ದಾರೆ, ಎಂದು ತೋರಿಸುತ್ತದೆ.
"13 ದೇಶಗಳ ಚುನಾಯಿತ ನಾಯಕರ ರಾಷ್ಟ್ರೀಯ ರೇಟಿಂಗ್ ಅನ್ನು ಪತ್ತೆಹಚ್ಚುವ ಮಾರ್ನಿಂಗ್ಕನ್ಸಲ್ಟ್, ಮೋದಿಯವರನ್ನು ಸಮ್ಮತಿಸುವ ಭಾರತೀಯರ ಅನುಪಾತದಲ್ಲಿ ಕಳೆದ ಒಂದು ವರ್ಷದಲ್ಲಿ 20-ಪಾಯಿಂಟ್ ಕಡಿಮೆಯಾಗಿರುವುದನ್ನು ತೋರಿಸುತ್ತದೆ. ಆದರೂ ಜೂನ್ ಆರಂಭದಲ್ಲಿ 66% ರಷ್ಟಿದ್ದು, ಅವರು ಇನ್ನೂ ಎಲ್ಲವನ್ನು ಮೀರಿಸಿದ್ದಾರೆ", ಎಂದು ಸಂಸ್ಥೆ ಟ್ವೀಟ್ ಮಾಡಿದೆ.
"ರಾಜಕೀಯ ಚುನಾವಣೆಗಳಲ್ಲಿ ನೈಜ-ಸಮಯದ ಮತದಾನದ ಡೇಟಾವನ್ನು ಒದಗಿಸುವ ಸ್ವಾಮ್ಯ ವೇದಿಕೆ" ಎಂಬ ತನ್ನ ರಾಜಕೀಯ ಗುಪ್ತಚರ ಘಟಕದ ಮೂಲಕ ದತ್ತಾಂಶವನ್ನು ಸಂಗ್ರಹಿಸುವ ಮಾರ್ನಿಂಗ್ ಕನ್ಸಲ್ಟ್, ಆಗಸ್ಟ್ 2019ರಲ್ಲಿ ಮೋದಿ ಸರ್ಕಾರವು ಜಮ್ಮು ಮತ್ತು ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನವನ್ನು ನೀಡಿದ 370ನೇ ವಿಧಿಯನ್ನು ರದ್ದುಪಡಿಸಿದಾಗ, ಅವರ ಸಮ್ಮತಿ ರೇಟಿಂಗ್‌ಗಳು ಶೇಕಡಾ 82 ರಷ್ಟಿದ್ದರೆ, ಅಸಮ್ಮತಿ ರೇಟಿಂಗ್‌ಗಳು ಕೇವಲ 11 ಪ್ರತಿಶತದಷ್ಟಿವೆ, ಎಂದು ತೋರಿಸುತ್ತದೆ.
